Application form para sa pagsali sa orientation meeting tungkol sa sistema ng Specified Skilled Worker

Artikulo 1 (Layunin ng mga tuntuning ito)

Itinatakda ng mga tuntuning ito ang mga bagay na kinakailangan ng mga partisipante (na mula ngayon ay tatawaging mga "indibidwal na nais sumali" sa dokumentong ito) sa orientation meeting tungkol sa sistema ng Specified Skilled Worker (na mula ngayon ay tatawaging "orientation meeting" sa dokumentong ito) na isinasagawa ng Immigration Services Agency of Japan.
Ang orientation meeting ay pinangangasiwaan ng Rhino Connect Co., Ltd. (na mula ngayon ay tatawaging "kompanya" sa dokumentong ito) na nakakontrata sa Immigration Services Agency para "isagawa ang orientation meeting tungkol sa sistema ng Specified Skilled Worker upang itaguyod ang paggamit sa sistema ng Specified Skilled Worker.

Artikulo 2 (Pagsang-ayon sa mga tuntunin ng pagsali)

Kinakailangang sumang-ayon sa mga tuntuning ito upang sumali sa orientation meeting. Bukod pa rito, ituturing na sumasang-ayon sa mga tuntunin ang mga gumawa ng aplikasyon gamit ang application form (na mula ngayon ay tatawaging "web form" sa dokumentong ito) sa pagsali sa orientation meeting tungkol sa sistema ng Specified Skilled Worker.

Artikulo 3 (Aplikasyon sa pagsali)

Kinakailangang sumang-ayon sa nilalaman ng "Pangangasiwa sa personal na impormasyon" na bukod na itinakda, at pagkatapos ay gawin ang aplikasyon sa pagsali gamit ang web form.
Pagkatapos tanggapin ang aplikasyon sa pagsali, ipapaalam ng kompanya ang rehistrastyon sa aplikante at sa paggawa ng notipikasyon ay makukumpleto ang kontrata kaugnay sa mga tuntunin at kondisyon sa pagitan ng kompanya at indibidwal na nais sumali.

Artikulo 4 (Mga bagay na ipinagbabawal)

Ipinagbabawal ang sumusunod na mga gawain sa pagsali sa orientation meeting.
1. Pagpapanggap bilang third party.
2. Paghingi sa personal na impormasyon ng ibang partisipante o iba pang paraan ng pangangalap.
3. Sinasadyang guluhin ang pagsagawa ng orientation meeting.
4. Anumang paglabag sa intellectual property rghts, portrait rights, privacy rights, reputasyon o iba pang mga rights o interests ng Immigration Services Agency, ng kompanyang ito, o iba pang partido o third parties.
5. Paggawa ng anumang mga gawaing itinuturing na labag sa mga batas, regulasyon, at iba pa.

Artikulo 5 (Disclaimer)

Hindi pananagutan ng kompanyang ito ang anumang pinsalang maaaring natamo ng users kapag nakansela, naantala, ipinagpaliban, at iba pa ang orientation meeting sanhi ng natural na kalamidad, sunog, riots, o iba pang mga dahilan na hindi kayang kontrolahin ng kompanya.

Artikulo 6 (Copyright)

Ipinagbabawal ang anumang modipikasyon, duplikasyon, pagbabago, pagbenta, at iba pa ng mga materyales na ginamit sa orientation meeting pati mga copyrighted works. Ang copyrights ng mga materyales na ginamit sa orientation meeting at iba pang copyrighted works ay protektado sa ilalim ng international copyright treaties at copyright laws sa Japan.

Artikulo 7 (Namamahalang batas at saklaw na hukuman)

1. Ang mga tuntunin at kondisyong ito ay nasa pamamahala ng mga batas sa Japan.
2. Ang lahat ng mga pagtatalong maaaring mangyari sa pagitan ng user at kompanya kaugnay sa pagsali sa orientation meeting o sa mga tuntunin at kondisyong ito ay nasa eksklusibong hurisdiksyon o saklaw ng Tokyo District Court bilang court of instance.

Artikulo 8 (Pagbabago sa mga tuntunin ng paggamit)

1. Maaaring gawin ng kompanya ang pagbabago sa mga tuntunin at kondisyon ng paggamit kung kinakailangan nitong gawin kahit walang antimanong abiso sa users, pagkatapos makuha ang pag-apruba mula sa Immigration Services Agency. Bukod pa rito, ilalathala agad sa web form na ito at ipapaalam sa publiko sa oras na magkaroon ng pagbabago sa mga tuntunin at kondisyon.
2. Kailangang kumpirmahin ng users ang mga tuntunin at kondisyong ito tuwing gagawa ng aplikasyon gamit ang web form, at kung ginawa ang aplikasyon pagkatapos magkaroon ng pagbabago sa mga tuntunin at kondisyon, ituturing na sumang-ayon sa mga pagbabagong ginawa.

Artikulo 9 (Iba pa)

Sumasang-ayon ang partisipante nang antimano sa pagkuha ng Immigration Services Agency o ng kompanyang ito ng mga videos o larawan ng orientation meeting at naiintindihang maaaring gamitin ang nabanggit na videos o larawan para sa public relations sa websites, social media, printed materials, at iba pa kaugnay sa orientation meetings at iba pang programang isinasagawa ng Immigration Services Agency.

Artikulo 10. Wika

Ang mga Tuntunin ng Pagdalo ay ginawa sa wikang Hapon at isinalin sa Ingles. Ang teksto sa wikang Hapon ang orihinal at ang teksto sa Ingles ay para sa sanggunian lamang. Kung may anumang salungatan o hindi pagkakatugma sa pagitan ng dalawang teksto, ang teksto sa wikang Hapon ang mananaig.

Karagdagang probisyon

Ang mga tuntunin at kondisyong ito ay ipapatupad mula sa Hunyo buwan 30 araw, 2025.

Ang Rhino Connect Co., Ltd. at SKword Co., Ltd., ay inatasan ng Immigration Services Agency para sa operasyon (na mula ngayon ay tatawaging ang "programang ito" sa dokumentong ito) kaugnay sa pagsagawa ng orientation meeting at pangangasiwa sa application form sang-ayon sa sumusunod.

Artikulo 1 (Kahulugan ng personal na impormasyon)

Ang personal na impormasyon ay tumutukoy sa pangalan, nasyonalidad, status of residence, numero ng telepono, email address, at iba pang partikular na impormasyong ibinigay sa pamamagitan ng programang ito kung saan maaaring makilala ang isang partikular na indibidwal.

Artikulo 2 (Pagbahagi ng personal information)

Bagama't ang pagbigay ng personal na impormasyon ay hindi sapilitan, maaaring hindi makasali sa orientation meeting kapag hindi naibigay ang personal na impormasyong kinakailangan para gawin ang aplikasyon sa pagsali. Ang personal na impormasyon ay gagamitin lamang sa loob ng scope o lawak na itinakda sa Artikulo 3.

Artikulo 3 (Layunin ng paggamit)

Ang personal na impormasyon ay gagamitin lamang ayon sa sumusunod na pakay.
1. Para sa wastong operasyon ng orientation meeting at pagpapatupad sa programa.
2. Sa pagtugon sa iba't-ibang mga katanungan at opinyon kaugnay sa orientation meeting.
3. Sa pagsagawa, pagtipon, at pagsusuri sa mga kuwestiyunaryo kaugnay sa orientation meeting.
4. Sa paggawa ng ulat o report at pagtipon ng istatistika ukol sa resulta at mga natupad, at iba pa mula sa ginawang orientation meeting.
5. Sa pagpapanatili sa application form sa pagsali sa orientation meeting.

Artikulo 4 (Pangangasiwa sa personal na impormasyon)

Mahigpit na pangangasiwaan ng mga tagapangasiwa sa Rhino Connect Inc. at SKword Inc., ang personal na impormasyon at isasagawa ang kinakailangang mga hakbang para maiwasan ang pagtagas ng impormasyon sa labas, maling paggamit, palsipikasyon, at iba pa.

Artikulo 5 (Paghiling sa pagbunyag, pagwasto, pagsuspinde sa paggamit, at iba pa ng personal na impormasyon)

Isasagawa ang pagtugon sa mga kahilingan sa pag-abiso ukol sa pakay ng paggamit ng personal na impormasyon, pagbunyag, pagbabago, pagdadag o pagtanggal, pagsuspinde sa pamamahagi nito sa ibang partido o third parties pagkatapos kumpirmahin nang husto ang pagkakakilanlan ng isang indibidwal. Kung nais gawin ito, sumangguni sa sumusunod na tanggapan.

[Para sa mga katanungan tungkol sa personal na impormasyon]

Rhino Connect Co., Ltd. (nakakontrata sa Immigration Services Agency para sa pagsasagawa sa orientation meeting kaugnay sa pagtaguyod sa paggamit ng sistema sa Specified Skilled Worker)
Contact: Email address tokuteiginou@plan-sms.co.jp

[Tagapangasiwa sa pagprotekta sa personal na impormasyon]

Tagapangasiwa: Tetsushi Mori
Kinabibilangan: Rhino Connect Co., Ltd.

Artikulo 6. Wika

Ang Patakaran sa Privacy na ito ay ginawa sa wikang Hapon at isinalin sa Ingles. Ang teksto sa wikang Hapon ang orihinal at ang teksto sa Ingles ay para sa sanggunian lamang. Kung may anumang salungatan o hindi pagkakatugma sa pagitan ng dalawang teksto, ang teksto sa wikang Hapon ang mananaig.

Karagdagang probisyon

Ang pangangasiwang ito ay ipapatupad mula sa Hunyo buwan 30 araw, 2025.

Artiklo 1 (Layunin ng mga tuntuning ito)

Itinatakda ng mga tuntuning ito ang mga bagay na kinakailangan ng isang indibidwal (na mula ngayon ay tatawaging "User" sa dokumentong ito), na nais sumali sa orientation meeting tungkol sa sistema ng Specified Skilled Worker (na mula ngayon ay tatawaging "orientation meeting" sa dokumentong ito) na isinasagawa ng Immigration Services Agency of Japan, kaugnay sa paggamit ng application form (na mula ngayon ay tatawaging "Web Form" sa dokumentong ito) para sa orientation meeting ng Specified Skilled Worker, sa pagpapadala ng impormasyong kinakailangan sa Immigration Services Agency of Japan sa pagsali sa orientation meeting.
Inatasan ng Immigration Services Agency of Japan ang SKword Co., Ltd. (na mula ngayon ay tatawaging "kompanya" sa dokumentong ito) upang pangasiwaan ang Web Form na ito kabilang sa operasyon ng kalakal at iba pa sa paggamit sa Pangkalahatang support website para sa Specified Skilled Worker sa pagtaguyod sa sistema ng Specified Skilled Worker.

Artikulo 2 (Pagsang-ayon sa mga tuntunin ng paggamit)

Kinakailangang sumang-ayon sa mga tuntuning ito upang maisagawa ang aplikasyon sa pagsali sa orientation meeting gamit ang Web Form na ito. Bukod pa rito, ituturing na sumasang-ayon sa mga tuntunin ang sinumang gagamit ng Web Form na ito.

Artikulo 3 (Pagprotekta sa personal na impormasyon)

Isinasagawa ng kompanyang ito ang pagprotekta at tamang pangangasiwa sa personal na impormasyong natanggap mula sa mga users gamit ang web form na ito sang-ayon sa Personal Information Protection Act at sa ilalim ng "Pangangasiwa sa personal na impormasyon" na bukod na itinakda. Bukod pa rito, ang personal na impormasyong nakulekta ay hindi gagamitin sa iba pang mga pakay o pagbigay nito sa ibang partido o third party, maliban sa sumusunod:
1. Pamamahagi sa organizer o nagsasagawa ng orientation meeting Recipient: Rhino Connect Co., Ltd. (nakakontrata sa Immigration Services Agency para "isagawa ang orientation meeting upang itaguyod ang paggamit sa sistema ng Specified Skilled Worker") Layunin ng pamamahagi: Upang isagawa ang orientation meeting tungkol sa sistema Mga bagay na ipinamamahagi: lahat ng impormasyon mula sa web form Paraan ng pamamahagi: pagbigay ng access sa database
2. Base sa mga kinakailangan sa ilalim ng batas at mga regulasyon

Article 4 (Mga bagay na ipinagbabawal)

Ipinagbabawa ang sumusunod na mga gawain sa paggamit ng web form na ito.
1. Paggamit ng web form sa iba pang pakay maliban sa paggawa ng aplikasyon sa pagsali sa orientation meeting.
2. Pagrehistro ng huwad o pekeng impormasyon.
3. Paglabag sa intellectual property rghts, portrait rights, privacy rights, reputasyon o iba pang mga rights o interests ng Immigration Services Agency, ng kompanyang ito, o iba pang partido o third parties.
4. Pag-access sa web form na ito nang walang pahintulot o permiso.
5. Sinasadyang makialam sa pangangasiwa at operasyon ng web form na ito.
6. Paggawa ng iba pang mga gawaing itinuturing na labag sa mga batas, regulasyon, at iba pa.

Artikulo 5 (Disclaimer)

1. Hindi pananagutan ng kompanyang ito ang anumang pinsalang maaaring natamo ng users mula sa paggamit ng web form na ito, o sa anumang pinsalang naidulot ng users sa ibang partido o third parties.
2. Hindi pananagutan ng kompanyang ito ang anumang pinsalang maaaring natamo ng users mula sa pagsuspinde, pagkaantala, o paghinto ng operasyon ng web form na ito.

Artikulo 6 (Copyright)

Ipinagbabawal ang anumang modipikasyon, duplikasyon, pagbabago, pagbenta, at iba pa ng mga programs o iba pang mga copyrighted materials na nilalaman ng web form na ito. Ang copyrights ng mga programs at iba pang copyrighted materials na nasa loob ng web form na ito ay protektado sa ilalim ng international copyright treaties at sa mga batas ng Japan.

Artikulo 7 (Namamahalang batas at saklaw na hukuman)

1. Ang mga tuntunin at kondisyong ito ay nasa pamamahala ng mga batas sa Japan.
2. Ang lahat ng mga pagtatalong maaaring mangyari sa pagitan ng user at kompanya kaugnay sa paggamit ng web form na ito, o sa mga tuntunin at kondisyong ito, ay nasa eksklusibong hurisdiksyon o saklaw ng Tokyo District Court bilang court of instance.

Article 8 (Pagbabago sa mga tuntunin ng paggamit)

1. Maaaring gawin ng kompanya ang pagbabago sa mga tuntunin at kondisyon ng paggamit kung kinakailangan nitong gawin kahit walang antimanong abiso sa users, pagkatapos makuha ang pag-apruba mula sa Immigration Services Agency. Bukod pa rito, ilalathala agad sa web form na ito at ipapaalam sa publiko sa oras na magkaroon ng pagbabago sa mga tuntunin at kondisyon.
2. Kailangang kumpirmahin ng users ang mga tuntunin at kondisyong ito tuwing gagamit ng serbisyo, at kung ginamit ito pagkatapos magkaroon ng pagbabago sa mga tuntunin at kondisyon, ituturing na sumang-ayon sa mga pagbabagong ginawa.

Artikulo 9 (Pagtigil ng serbisyo)

Ang web form na ito ay ititigil sa oras na matapos ang pagtanggap ng aplikasyon sa pagsali sa orientation meeting.

Artikulo 10. Wika

Ang mga Tuntunin ng Pagdalo ay ginawa sa wikang Hapon at isinalin sa Ingles. Ang teksto sa wikang Hapon ang orihinal at ang teksto sa Ingles ay para sa sanggunian lamang. Kung may anumang salungatan o hindi pagkakatugma sa pagitan ng dalawang teksto, ang teksto sa wikang Hapon ang mananaig.

Karagdagang probisyon

Ang mga tuntunin at kondisyong ito ay ipapatupad mula sa Hunyo buwan 30 araw, 2025.