Mga komento mula sa mga nagtatrabaho

Ipinapakilala ang komento ng mga aktuwal na nagtatrabaho sa status of residence na Specified Skilled Worker.

Nursing

Sa apat na taon na ginugol ko sa pagiging Kandidato bilang EPA nursing care worker, nadagdagan nang husto ang pagnanais kong magtrabaho bilang isang Nursing caregiver sa Japan, at kulang na lang ng 7 points sa Pambansang pagsusulit para sa nursing care worker, kaya nais kong subukan uli.
Nais kong ipasa ang Pagsusulit para sa nursing care worker sa lalong madaling panahon, upang magturo sa Indonesia sa mga nagnanais maging Nursing caregivers sa Japan, at iparating ang kabutihang dulot ng Nursing.

Bagama't may pag-aalala ako bago pumunta sa Japan, madali akong nasanay sa pamumuhay dahil sa suportang ipinagkaloob ng kompanya. Ikinagagalak kong makapagtrabaho sa kompanyang ito dahil nakatulong ito hindi lamang sa pag-intindi sa teknolohiyang ginagamit sa Paglinis sa mga gusali sa Japan, kundi pati sa wika at kultura ng bansang Hapon. Sa hinaharap ay nais kong gawin ang trabaho sa Vietnam kung saan ginagamit ang wikang Hapon, at makatulong sa mga taong gustong pumunta sa Japan.

Noong una akong pumunta sa Japan bilang Technical Intern Trainee, nahirapan ako dahil maraming dapat matutunan sa trabaho, pati sa pamumuhay.
Pagkatapos kong bumalik sa bansa, mas naging matiwasay ang aking pamumuhay dahil nasanay na ako sa kultura at kostumbre ng Japan.

Bagama't puro paghihirap ang naranasan ko noong dumating ako sa Japan, lumakas ang loob ko sa pagtatrabaho at nadama ko ang halaga ng tulong na naibibigay ko sa aking pamilya. Ngayong nasanay na ako sa trabaho, ang susunod kong layunin ay ang paggawa ng mas mahusay na produkto sa mas mabilis na paraan.
Labis ang pag-aalala ako bago pumunta sa Japan, pero tinuruan ako nang husto ng aking senior colleagues at supervisors, na ikinagagalak ko dahil ngayon ay maaasahan na ako sa trabaho.

Nasisiyahan akong makakuha ng pagkakataong magtrabaho bilang Technical Intern Trainee, Manggagawa sa pagawaan ng barko at sa kasalukuyang status of residence na Specified Skilled Worker (i).
Sa kompanyang tumanggap sa akin, may karanasan akong magtrabaho bilang trainee/manggagawa, at nasanay na ako sa kompanya at sa welding work, kung kaya madali kong nagagawa ang trabaho.
Sa trabaho, nais kong turuan ang mga trainees tungkol sa kanilang mga trabaho at sisikapin kong magsilbi bilang tagapagbuo o organizer ng grupo.
Maginhawa dahil malapit ang dormitoryo sa kompanya at sa supermarket.

Nakapagtrabaho ako pagkatapos kumuha ng pagsusulit para sa Specified Skilled Worker sa industriya ng aviation. Noon pa man ay interesado na ako sa larangan ng aviation, kaya natutuwa ako na nakapasok ako sa kompanyang ito. Lubos akong nagpapasalamat sa mahusay na suportang natanggap ko bago at pagkatapos magsimulang magtrabaho.
Masaya ang trabaho at wala akong anumang problema. Kapag may mga bagay na hindi ko maintindihan, lagi ko itong itinatanong at agad na nalulutas. Maganda ang sahod, at kuntento ako.

Ang pangunahing trabaho ko ay sa serbisyo sa restaurant at iba pa. Dahil may pagkakataon din na magkaroon ng promosyon sa mataas na posisyon, nagkakaroon ako ng inspirasyon sa trabaho. Madalas akong kinakausap nang direkta ng mga customers at nababanggit ang pangalan sa mga surveys bilang positibong feedback, na nagdudulot ng dagdag na motibasyon para sa akin.

Kailangang gumawa ng working environment kung saan ang lahat ng staff ay madaling makapagtrabaho at masiyahan sa kanilang mga gawain. Dahil nais ko rin na maibigay ang serbisyong nakakapagpasaya sa mga customers, malaki ang inspirasyong dulot ng trabahong ito sa akin. Nais kong mapalawak ang istilo ng customer service ng Japan sa sariling bansa.

Bagama't mahirap magtrabaho habang hinuhulaan kung ano ang iniisip ng mga customers, nasisiyahan ako sa inspirasyong dulot nito. Sa halip na hintaying ituro lahat sa akin bago pag-aralan, kapag may mga bagay na hindi ko alam ay itatanong ko ito sa katabing senior staff o di kaya'y pagmasdan at pag-aralan mismo at sikaping umunlad.