नियम १ (यस विनियमावलीको उद्देश्य)
यस विनियमावलीले आप्रवासन तथा निवास नियन्त्रण निकायद्वारा सञ्चालित निर्दिष्ट सीप प्रणाली बारेको वर्णन भेला (उपरान्त "वर्णन भेला" भनिने।) मा सहभागी हुन चाहने व्यक्ति (उपरान्त “सहभागिताको इच्छार्थी" भनिने।)लाई वर्णन भेलामा सहभागी हुनका निमित्तका आवश्यक बुँदाहरू निर्धारण गरिदिनेछ।
पुनश्च, वर्णन भेलालाई आप्रवासन तथा निवास नियन्त्रण निकायबाट Rhino Connect Inc. (उपरान्त "यस कम्पनी" भनिने।) ले ठेक्का लिएको "निर्दिष्ट सीप प्रणाली उपयोग तथा प्रवर्धन निमित्तको निर्दिष्ट सीप प्रणाली बारेको वर्णन भेला सञ्चालन कार्य" अन्तर्गत यस कम्पनीले सञ्चालन गर्नेछ।
नियम २ (सहभागिता विनियमावलीमा मन्जुरी)
वर्णन भेलामा सहभागी हुनका लागि यस विनियमावलीमा मन्जुरी जनाएको हुनुपर्छ। पुनश्च, निर्दिष्ट सीप प्रणाली बारेको वर्णन भेला सहभागिता आवेदन फाराम (उपरान्त "WEB फाराम" भनिने।) प्रयोग गरी सहभागिताको आवेदन गर्नु भएका महानुभावले यस विनियमावलीमा मन्जुरी जनाउनु भएको मानिने छ।
नियम ३ (सहभागिताको आवेदन)
सहभागिताको इच्छार्थीले यस विनियमावलीको अन्तर्वस्तु एवम् छुट्टै तोकिएको "व्यक्तिगत सूचना प्रतिको व्यवहार बारेमा" मन्जुरी जनाएर मात्र, WEB फाराम प्रयोग गरी सहभागिताको आवेदन दिनु पर्नेछ।
यस कम्पनीले सहभागिताको आवेदन प्राप्त गरेपछि इच्छार्थीलाई आवेदन दर्ता भएको सूचना दिइएको समयविन्दुबाट यस कम्पनी र सहभागिताको इच्छार्थी बीचमा यस विनियमावली अन्तर्गतको करार स्थापित हुनेछ।
नियम ४ (निषेधित बुँदा)
वर्णन भेलामा सहभागिता जनाउँदा तल उठान गरिएका क्रियाकलाप निषेधित हुनेछ।
१. अरू व्यक्ति (तेस्रो पक्ष)को सट्टामा आउने कार्य।
२. अन्य सहभागीको व्यक्तिगत कुरा सोध्ने वा अन्य कुनै आह्वान गर्ने कार्य।
३. वर्णन भेलाको सञ्चालनलाई बदनियत राखेर अवरोध पुर्याउने कार्य।
४. आप्रवासन तथा निवास नियन्त्रण निकाय, यस कम्पनी अन्य तेस्रो पक्षको बौद्धिक सम्पत्ति सम्बन्धी अधिकार, फोटो सम्बन्धी अधिकार, गोपनीयता सम्बन्धी अधिकार, अरूको मान प्रतिष्ठा, अन्य अधिकार अथवा लाभलाई अतिक्रमण गर्ने कार्य।
५. अन्य ऐन-कानुनहरू उल्लङ्घन हुने कार्य।
नियम ५ (उत्तरदायित्वमा नपर्ने बुँदा)
यस कम्पनीले प्राकृतिक प्रकोप, आगलागी, हूलदङ्गा, अन्य यस कम्पनीले तर्कसङ्गत रूपमा आफ्नो बसमा राख्न नसक्ने कारणले वर्णन भेला रोक्ने, स्थगन गर्ने, समय सार्ने आदि भएको खण्डमा प्रयोगकर्ता प्रति पर्न गएको हानी नोक्सानी सम्बन्धमा कुनैपनि उत्तरदायित्व वहन गर्ने छैन।
नियम ६ (प्रतिलिपि अधिकार)
वर्णन भेलामा प्रयोग हुने दस्तावेज एवम् अन्य प्रतिलिपि अधिकार सम्बन्धित वस्तुहरू संशोधन गर्ने, प्रतिलिपि बनाउने, बदल्ने, बिक्री गर्ने जस्ता कार्यहरू निषेधित छन्। पुनश्च, वर्णन भेलामा प्रयोग हुने दस्तावेज एवम् अन्य प्रतिलिपि अधिकार सम्बन्धित वस्तुको प्रतिलिपि अधिकारलाई अन्तर्राष्ट्रिय प्रतिलिपि अधिकार सन्धि एवम् जापान राष्ट्रको प्रतिलिपि अधिकार सम्बन्धी ऐन-कानुनद्वारा सुरक्षित राखिएको छ।
नियम ७ (आधिकारिक कानुन एवम् क्षेत्राधिकार भएको अदालत)
१. यस विनियमावलीले जापान राष्ट्रको कानुनलाई आधिकारिक मान्नेछ।
२. वर्णन भेलामा सहभागी अथवा यस विनियमावली सम्बन्धमा प्रयोगकर्ता र यस कम्पनी बीचमा कुनै विवाद उत्पन्न भएमा, टोकियो जिल्ला अदालतलाई प्रथम इजलास बस्ने विशेष क्षेत्राधिकारधारी अदालत मानिने छ।
नियम ८ (प्रयोग विनियमावली परिवर्तन)
१. यस कम्पनीले आवश्यकता ठहर गरेको बखतमा, आप्रवासन तथा निवास नियन्त्रण निकायबाट अनुमोदन प्राप्त गरी प्रयोगकर्तालाई अग्रिम रूपमा सूचित नगरिकनै, यस विनियमावलीलाई परिवर्तन गर्न सक्नेछ। पुनश्च, यस विनियमावलीलाई परिवर्तन गर्दा त्यसको सूचनालाई अविलम्ब WEB फाराममा राखेर सार्वजनिक गर्नेछ।
२. प्रयोगकर्ताले WEB फाराम प्रयोग गरेर सहभागिताको आवेदन दिएपिच्छे यस विनियमावली निश्चय गर्ने गरेको मानिने छ र यस विनियमावली परिवर्तन पश्चात् सहभागिताको आवेदन दिएको बखतमा, परिवर्तन पश्चात्को विनियमावलीमा मन्जुरी जनाएको मानिने छ।
नियम ९ (अन्य)
वर्णन भेलामा आप्रवासन तथा निवास नियन्त्रण निकाय अथवा यस कम्पनीद्वारा वर्णन भेला सञ्चालन गरिरहेको अवस्थाको भिडियो वा फोटो खिच्ने कार्य र उक्त भिडियो वा फोटोलाई वेबसाइट, SNS, छापाको सामाग्रीहरू मार्फत एड्भर्टाइज गर्नमा प्रयोग गर्ने हो भने अग्रिम रूपमा मन्जुरी लिएको हुनुपर्नेछ।
नियम १० (भाषा)
यस विनियमावलीलाई जापानी भाषामा तयार पारी, नेपाली भाषामा अनुवाद गरिने छ। जापानी भाषा संस्करण सक्कल प्रति हुनेछ र सन्दर्भ सामाग्री स्वरूप नेपाली भाषा संस्करणको नक्कल तयार पारिने छ। यी दुई भाषाबीचमा कुनै भिन्नता देखिएमा या बाझिएमा जापानी भाषा संस्करणलाई प्राथमिकता दिइने छ।
अनुसूची
यस विनियमावली सन् २०२५ जून महिना ३० तारिखबाट लागु हुनेछ।