အပိုဒ် ၁ (ဤစည်းမျဥ်းများ၏ရည်ရွယ်ချက်)
ဤစည်းမျဥ်းများသည်၊ လူဝင်မှုနှင့်နေထိုင်ခွင့်ကြီးကြပ်ရေးရုံးမှကျင်းပသည့် အထူးကျွမ်းကျင်လုပ်သားစနစ်ရှင်းလင်းပွဲ “နောက်ပိုင်းတွင် (ရှင်းလင်းပွဲ) ဟုခေါ်ပါမည်။” သို့တက်ရောက်လိုသောသူ “နောက်ပိုင်းတွင် (တက်ရောက်လိုသူ) ဟုခေါ်ပါမည်။” မှ၊ ရှင်းလင်းပွဲသို့တက်ရောက်ရန်အတွက်လိုအပ်သည့်အချက်များကို သတ်မှတ်ထားသောအရာများဖြစ်ပါသည်။
ထို့အပြင်၊ ရှင်းလင်းပွဲမှာ လူဝင်မှုနှင့်နေထိုင်ခွင့်ကြီးကြပ်ရေးရုံးမှ Rhino Connect Inc. “နောက်ပိုင်းတွင် (ကျွန်ုပ်တို့၏ကုမ္ပဏီ) ဟုခေါ်ပါမည်။” သို့လုပ်ငန်းအပ်နှံထားသည့် “အထူးကျွမ်းကျင်လုပ်သားစနစ်အသုံးပြုမှုမြင့်တင်ရန် စနစ်ရှင်းလင်းပွဲကျင်းပရေးလုပ်ငန်း” အား ကျွန်ုပ်တို့၏ကုမ္ပဏီမှစီမံခန့်ခွဲပါမည်။
အပိုဒ် ၂ (တက်ရောက်ရန်စည်းမျဥ်းအားသဘောတူခြင်း)
ရှင်းလင်းပွဲသို့တက်ရောက်ရန်အတွက်၊ ဤစည်းမျဥ်းများကိုသဘောတူရန်လိုအပ်ပါသည်။ ထို့အပြင်၊ အထူးကျွမ်းကျင်လုပ်သားစနစ်ရှင်းလင်းပွဲ တက်ရောက်လိုကြောင်းလျှောက်ထားရန်ဖောင် “နောက်ပိုင်းတွင် (WEB ဖောင်) ဟုခေါ်ပါမည်။” အားအသုံးပြု၍ တက်ရောက်ရန်လျှောက်ထားသည့်သူအား၊ ဤစည်းမျဥ်းများကိုသဘောတူပြီးသူဟုမှတ်ယူပါမည်။
အပိုဒ် ၃ (တက်ရောက်ရန်လျှောက်ထားခြင်း)
တက်ရောက်လိုသူသည်၊ ဤစည်းမျဥ်းများ၏အကြောင်းအရာနှင့် သီးခြားသတ်မှတ်ထားသည့် (ကိုယ်ရေးကိုယ်တာအချက်အလက်များကိုင်တွယ်မှုနှင့်ပတ်သက်၍) သဘောတူညီပြီး၊ WEB ဖောင်အားအသုံးပြု၍ တက်ရောက်ရန်လျှောက်ထားရပါမည်။
ကျွန်ုပ်တို့၏ကုမ္ပဏီ၌ တက်ရောက်ရန်လျှောက်ထားမှုအားလက်ခံရရှိပြီးနောက်၊ ကျွန်ုပ်တို့၏ကုမ္ပဏီမှ တက်ရောက်လိုသူထံ တက်ရောက်ရန်မှတ်ပုံတင်သည့်အကြောင်းကြားစာအားပေးပို့မည်ဖြစ်ပြီး၊ ထိုသို့ပေးပို့သည့်အချိန်မှစ၍ ကျွန်ုပ်တို့၏ကုမ္ပဏီနှင့်တက်ရောက်လိုသူအကြားတွင် ဤစည်းမျဥ်းနှင့်ဆက်စပ်သည့်သဘောတူညီမှုမှာ အတည်ဖြစ်ပြီးဟုသတ်မှတ်ပါမည်။
အပိုဒ် ၄ (တားမြစ်ချက်များ)
ရှင်းလင်းပွဲသို့တက်ရောက်ရာတွင်၊ အောက်ပါအပြုအမူများအားတားမြစ်ထားပါသည်။
၁. ပြင်ပလူ/အဖွဲ့အစည်းအဖြစ်ဟန်ဆောင်ခြင်း
၂. အခြားတက်ရောက်သူ၏ကိုယ်ရေးကိုယ်တာအချက်အလက်များအား စုံစမ်းမေးမြန်းခြင်းနှင့် အခြားဆွဲဆောင်စည်းရုံးမှုစသည်အားပြုလုပ်ခြင်း
၃. ရှင်းပြပွဲ၏စီမံခန့်ခွဲမှုအား ရည်ရွယ်ချက်ရှိစွာနှောက်ယှက်ခြင်း။
၄. လူဝင်မှုနှင့်နေထိုင်ခွင့်ကြီးကြပ်ရေးရုံး၊ ကျွန်ုပ်တို့၏ကုမ္ပဏီနှင့်အခြားပြင်ပအဖွဲ့အစည်း၏ အသိဉာဏ်ပစ္စည်းမူပိုင်ခွင့်၊ ဓာတ်ပုံမူပိုင်ခွင့်၊ ကိုယ်ပိုင်အခွင့်အရေး၊ ဂုဏ်သိက္ခာ၊ အခြားအခွင့်အရေး သို့မဟုတ် အကျိုးစီးပွားအားထိပါးစေခြင်း။
၅. အခြား ဥပဒေစသည်တို့အားချိုးဖောက်သည်ဟု သတ်မှတ်နိုင်သောအပြုအမူ။
အပိုဒ် ၅ (ငြင်းဆိုချက်)
ကျွန်ုပ်တို့၏ကုမ္ပဏီသည် သဘာဝဘေးအန္တရာယ်၊ မီးလောင်ခြင်း၊ အဓိကရုဏ်း၊ ကျွန်ုပ်တို့ကုမ္ပဏီ၏ ကျိုးကြောင်းဆီလျော်သောထိန်းချုပ်မှုထက်ကျော်လွန်သည့် အခြားအကြောင်းရင်းများကြောင့် ရှင်းပြပွဲပယ်ဖျက်ခြင်း၊ ရပ်ဆိုင်းခြင်း၊ အချိန်ရွှေ့ဆိုင်းခြင်းစသည်များဖြစ်သည့်အချိန်တွင်ပေါ်ပေါက်သည့် အသုံးပြုသူ၏ထိခိုက်နစ်နာမှုနှင့်ပတ်သက်၍ မည်သည့်တာဝန်ကိုမျှယူမည်မဟုတ်ပါ။
အပိုင်း ၆ (မူပိုင်ခွင့်)
ရှင်းပြပွဲတွင်အသုံးပြုသည့်စာရွက်စာတမ်းနှင့် အခြားမူပိုင်ခွင့်ရထားသောပစ္စည်းများအားပြင်ဆင်ခြင်း၊ ကူးယူခြင်း၊ ပြုပြင်ပြောင်းလဲခြင်း၊ ရောင်းချခြင်းစသည့် အပြုအမူများကိုတားမြစ်ထားပါသည်။ ထို့အပြင်၊ ရှင်းပြပွဲတွင်အသုံးပြုသည့်စာရွက်စာတမ်းနှင့် အခြားမူပိုင်ခွင့်ရထားသောပစ္စည်းနှင့်သက်ဆိုင်သည့်မူပိုင်ခွင့်အား၊ နိုင်ငံတကာမူပိုင်ခွင့်စာချုပ်နှင့်ဂျပန်နိုင်ငံ၏မူပိုင်ခွင့်ဆိုင်ရာဥပဒေများဖြင့် ထိန်းသိမ်းထားပါသည်။
အပိုဒ် ၇ (လိုက်နာရမည့်ဥပဒေနှင့်တရားစီရင်ခွင့်ရှိသောတရားရုံး)
၁. ဤစည်းမျဥ်းများကို၊ ဂျပန်နိုင်ငံ၏ဥပဒေအရလိုက်နာရမည့်အရာအဖြစ် သတ်မှတ်ပါသည်။
၂. ရှင်းလင်းပွဲသို့တက်ရောက်ခြင်း သို့မဟုတ် ဤစည်းမျဥ်းများနှင့်သက်ဆိုင်သော အသုံးပြုသူနှင့်ကျွန်ုပ်တို့၏ကုမ္ပဏီအကြားတွင်ဖြစ်ပေါ်လာသည့် အငြင်းပွားမှုအားလုံးနှင့်ပတ်သက်ပြီး၊ တိုကျိုခရိုင်တရားရုံးအား နံပတ်တစ်သီးသန့်သဘောတူညီထားသည့် တရားစီရင်ခွင့်ရှိသောတရားရုံးအဖြစ်သတ်မှတ်ပါသည်။
အပိုဒ် ၈ (ဝန်ဆောင်မှုစည်းမျဥ်းများအားပြောင်းလဲခြင်း)
၁. ကျွန်ုပ်တို့၏ကုမ္ပဏီသည်လိုအပ်သည်ဟုယူဆသောအချိန်တွင်၊ လူဝင်မှုနှင့်နေထိုင်ခွင့်ကြီးကြပ်ရေးရုံး၏ အတည်ပြုချက်အားရယူပြီးနောက်၊ အသုံးပြုသူအားကြိုတင်အသိပေးခြင်းမရှိပဲ ဤစည်းမျဥ်းများကိုပြောင်းလဲနိုင်သည်ဟုသတ်မှတ်ပါသည်။ ထို့အပြင်၊ ဤစည်းမျဥ်းများကိုပြောင်းလဲပါက၊ နှောင့်နှေးခြင်းမရှိပဲ WEB ဖောင်တွင်တင်၍ထုတ်ပြန်ပေးပါမည်။
၂. အသုံးပြုသူသည်၊ WEB ဖောင်ကိုအသုံးပြု၍ တက်ရောက်ရန်လျှောက်ထားသောအချိန်တွင်၊ ဤစည်းမျဥ်းများကိုကြည့်ရှုစစ်ဆေးရမည်ဖြစ်ပြီး၊ ဤစည်းမျဥ်းများအားပြောင်းလဲပြီးနောက် တက်ရောက်ရန်လျှောက်ထားလာပါက၊ ပြောင်းလဲပြီးနောက်စည်းမျဥ်းများကိုသဘောတူပြီးသူဟုမှတ်ယူပါမည်။
အပိုဒ် ၉ (အခြား)
ရှင်းလင်းပွဲတွင်၊ လူဝင်မှုနှင့်နေထိုင်ခွင့်ကြီးကြပ်ရေးရုံး သို့မဟုတ် ကျွန်ုပ်တို့၏ကုမ္ပဏီမှ ရှင်းလင်းပွဲကျင်းပနေသည့်အခြေအနေအား ဗီဒီယိုနှင့်ဓာတ်ပုံရိုက်ကူးခြင်း၊ ထိုဗီဒီယိုနှင့်ဓာတ်ပုံများကို လူဝင်မှုနှင့်နေထိုင်ခွင့်ကြီးကြပ်ရေးရုံးမှကျင်းပသည့်ရှင်းလင်းပွဲနှင့် အခြားစီမံကိန်းများအကောင်အထည်ဖော်ခြင်းနှင့်ပတ်သက်၍၊ ဝက်ဆိုဒ်၊ SNS၊ ပုံနှိပ်ပစ္စည်းစသည်တို့အားအသုံးပြုသည့် လူထုဆက်ဆံရေး၌အသုံးပြုရန် ကြိုတင်သဘောတူပြီးဖြစ်သည်ဟုသတ်မှတ်ပါသည်။
အပိုဒ် ၁၀ ။ ဘာသာစကား
ဒီတက်တင်စာချုပ်သည် ဂျပန်ဘာသာဖြင့်ရေးဆွဲပြီး အင်္ဂလိပ်ဘာသာသို့ဘာသာပြန်ထားပါသည်။ ဂျပန်ဘာသာစာသားမှာ မူရင်းဖြစ်ပြီး အင်္ဂလိပ်ဘာသာစာသားသည် အညွှန်းအတွက်သာဖြစ်သည်။ နှစ်ဖက်စာသားများတွင် မတူညီမှုရှိပါက ဂျပန်ဘာသာစာသားကို ဦးစားပေးအသုံးပြုပါမည်။
နောက်ဆက်တွဲပြဋ္ဌာန်းချက်
ဤစည်းမျဥ်းသည်၊ ၂၀၂၅ ခုနှစ်ဇွန်လ၃၀ရက် မှစ၍အကျုံးဝင်ပါမည်။