အထူးကျွမ်းကျင်လုပ်သား၏ နေထိုင်ခွင့်ဗီဇာကို ရယူနိုင်ရန်

အထူးကျွမ်းကျင်လုပ်သားနံပါတ်(၁) နေထိုင်ခွင့်ဗီဇာဖြင့် အလုပ်လုပ်ရန်အတွက် ဂျပန်စာအရည်အချင်းစစ်စာမေးပွဲ နှင့် နယ်ပယ်အသီးသီး၏ ကျွမ်းကျင်မှုစစ်ဆေးသည့်စာမေးပွဲ အောင်မြင်ရန် လိုအပ်ပါသည်။
(နည်းပညာလေ့လာရေးနံပါတ်(၂) ကို ကောင်းမွန်စွာပြီးဆုံးထားသောသူမှာ စာမေးပွဲအောင်ရန် မလိုအပ်ပါ။ သို့သော်လည်း တခြားသောနယ်ပယ်တွင် အလုပ်လုပ်မည့်အခါမျိုးတွင်မူ အလုပ်လုပ်ချင်သည့် နယ်ပယ်၏
ကျွမ်းကျင်မှုစစ်ဆေးသည့်စာမေးပွဲ အောင်ရန်လိုအပ်ပါသည်)။
စာမေးပွဲဖြေဆိုရန်အတွက် ငွေကြေးအကုန်အကျခံရမည်ဖြစ်ပါသည်။
စာမေးပွဲတွင် မည်သို့သောမေးခွန်းများပါမည်ဆိုသည်ကို ဝက်ဆိုဒ်တွင် သွားရောက်အတည်ပြုကြည့်ရှုနိုင်ပါသည်။
ထို့အပြင် လေ့လာရန်အတွက် ဖတ်စာအုပ်နှင့် ဥပမာမေးခွန်းများကို ဝဘ်ဆိုဒ်တွင် တင်ပေးထားပါသည်။
ဤနေရာတွင်မူ နယ်ပယ်များစွာ၏ စာမေးပွဲမေးခွန်းပုံစံကို ကိုးကားနိုင်ရန်အတွက် တင်ပေးထားပါသည်။

ကုမ္ပဏီနှင့်စာချုပ်ချုပ်ရန်အတွက် အလုပ်ခန့်အင်တာဗျူးကို ဖြေဆိုအောင်မြင်ရန်လိုအပ်ပါသည်။
သင်သည် ဂျပန်နိုင်ငံပြင်ပတွင်ရှိနေသည့်အခါမျိုး၌ ကုမ္ပဏီနှင့်တိုက်ရိုက် ဆက်သွယ်ခြင်းဖြင့်သော်လည်းကောင်း အလုပ်ရှာဖွေမိတ်ဆက်ပေးသောလုပ်ငန်းမှ တစ်ဆင့်သော်လည်းကောင်း
အလုပ်ခန့်အင်တာဗျူးကို ဖြေဆိုနိုင်ပါသည်။
သင်သည် ဂျပန်နိုင်ငံတွင်ရှိသောအခါမျိုးတွင်မူ ဂျပန်၌ အလုပ်မိတ်ဆက်ပေးသည့်
“ပြည်သူပိုင်အလုပ်အကိုင်လုံခြုံမှုရုံး” ဟုခေါ်သည့်ရုံးရှိပါသည်။
အလုပ်အသစ်ရှာဖွေသည့်အခါ၌ ပြည်သူပိုင်အလုပ်အကိုင်လုံခြုံမှုရုံးတွင် သွားရောက်ဆွေးနွေးပါ။
မည်သည့် ပြည်သူပိုင်အလုပ်အကိုင်လုံခြုံမှုရုံးတွင်မဆို ဆွေးနွေးနိုင်ပါသည်။